تره‌یله‌ری فیلمی سینەمایی "ئەزموون" The Exam لە دەرهێنانی "شەوکەت ئەمین کورکی" بۆ ناساندن لە فێستیڤاڵی نێوده‌وڵه‌تی فیلمی "کاڕلۆڤی ڤاری" و فێستیڤاڵه‌کانی دیکه‌ی جیهان بڵاوکرایه‌وه.
بەپێی ڕاپۆرتی زایەڵە، تره‌یله‌ری فیلمی سینەمایی "ئەزموون" The Exam چواره‌مین فیلمی بڵندی سینەماکاری کورد "شەوکەت ئەمین کورکی"، لە بەرهەمهێنانی "مەمەد ئەکتاش" و بەرهەمی هاوبەشی هەرێمی کوردستان و وڵاتانی ئەڵمانیا و قەتەر؛ بۆ ناساندن لە به‌شی "پێشبڕکێی سه‌ره‌کی" Crystal Globe ٥٥مین خولی فێستیڤاڵی نێوده‌وڵه‌تی فیلمی "کاڕلۆڤی ڤاری" Karlovy Vary له وڵاتی کۆماری چیک و هه‌روه‌ها له فێستیڤاڵه‌کانی دیکه‌ی جیهان بڵاوکرایه‌وه و به مه‌به‌ستی ئاشنابوونی هۆگرانی هونه‌ری سینه‌ما له‌گه‌ڵ ئه‌م فیلمه په‌خشکرا.
فیلمی سینەمایی "ئەزموون" بەرهەمی کومپانیای "میتوس فیلم"ی بەڕلین و کومپانیای "مەستی فیلم"ی سلێمانی؛ لە لایەن کۆمپانیای نێودەوڵەتی ئەڵمانی "ئاڕت هوود" ArtHood لە ئاستی جیهاندا بڵاودەبێتەوە.
لە فیلمی سینەمایی "ئەزموون"دا کۆمەڵێک ئەکتەری بە ئەزموونی هەرێمی کوردستان لەگەڵ چەندین ئەکتەری گەنجی کوردستان، تیایدا ڕۆڵیان بینیوە، لەوانە: ئاڤان جەماڵ، ڤانیا سالار، حوسێن حەسەن، شوان عەتووف، هوشیار زێڕۆ نێروەیی، نیگار عەسمان، کاوە قادر، عادڵ عەبدوالڕەحمان.
مەنسوور جیهانی