مه‌فره‌زه‌كانی‌ بنكه‌ی‌ پۆلیسی‌ سه‌رچنار دوو تۆمه‌تباریان ده‌ستگیركرد كه‌ هه‌ستابوون به‌ ته‌قه‌كردن .

بەپێی ڕاپۆرتی زایەڵە،  پۆلیسی  پارێزگای  سلێمانی ڕایگەیاند له ‌گه‌ڕه‌كی‌ سه‌رچنار له‌ شاری‌ سلێمانی‌ به‌هۆی‌ ده‌مه‌قاڵه‌ی‌ نێوان چه‌ند كه‌سێكه‌وه‌ شه‌ڕ و ئاڵۆزی‌ دروست بوو و ته‌قه‌ كرا، مه‌فره‌زه‌كانی‌ بنكه‌ی‌ پۆلیسی‌ سه‌رچنار و تیمه‌كانی‌ به‌شی‌ پۆلیسی‌ به‌ڵگه‌ی‌ تاوان گه‌یشتنه‌ شوێنی‌ ڕوداوه‌كه‌ و لێكۆڵینه‌وه‌كان بۆ ده‌ستگیركردنی‌ تۆمه‌تباران ده‌ستیپێكرد .

باس لەوەشکراوە، پاش لێكۆڵینه‌وه‌كان توانرا تۆمه‌تباران  "ك ، د ، ح" و  "س،ج، ق" ده‌ستگیربكرێن و ده‌ستیش بگیرێت به‌سه‌ر ئۆتۆمبێلێك و چه‌كێك له‌ جۆری‌ ده‌مانچه‌دا .

له‌ئێستادا تۆمه‌تباران به‌بڕیاری‌ دادوه‌ر و به‌پێی‌ مادده‌ی‌ 405-31  له‌ یاسای‌ سزادانی‌ عیراقی‌ ڕاگیراون و لێكۆڵینه‌وه‌ له‌گه‌ڵیان به‌رده‌وامه‌ .

کامەران کەریم