وتەبێژی وەزارەتی دەرەوەی کۆماری ئیسلامی وێڕای ئاماژە بە هەندێ پێشوەچوون لە دانوستانەکانی ڤییەنا لە سەر ڕێککەوتنی ئەتۆمی، جەختی لەسەر ئەوە کردەوە کە تاران زیاتر لە ڕێککەوتنی ئەتۆمی هیچ شتێک و مەرجێک قبووڵ ناکات و لایەنی بەرانبەریش دەبێ لە چوارچێوەی ئەو ڕێککەوتنە هەڵسوکەوت بکات.
بەپێی ڕاپۆرتی زایەڵە، سەعید خەتیب زادە لە لێدوانێکدا بۆ عەرەبی جەدید، باسی کە بەرەوپێشچون لە دانوستانەکانی ڤییەنا کرد .
ئاماژەی بەوەش دا؛ دانوستانەکان لە ڤییەنا تەرکیزی خستۆتە سەر هەڵگرتنی گەمارۆکانی سەر ئێران و بەدواداچوون بۆ ڕاستی هەنگاوەکان لەو پێناوەدا و پێدانی دەستەبەریی بۆ پێشگرتن لە دووبارە چوونەدەرەوە لە ڕێککەوتن.
ڕاشیگەیاند: بەرەپێشچوونەکان لە دانوستانەکان هاوپێوەند بە پابەندییەکانی لایەنی بەرانبەر کەمتر بووە و هەر بۆیە لە ئێستادا تۆپەکە لە زەوینی ئەمریکا و لایەنی ڕۆژئاواییە.
خەتیب زادە جەختی لەسەر ئەوەش کردەوە کە ئێران ئۆلتیماتۆمی ساختە قبووڵ ناکات.

یەکەم کەس بە بۆ ناردنی تێبینی.

نوێ ترین هەڵوێستی ئێران لە سەر دانوستانەکانی ڤییەنا؛ هیچ مەرجێک قبووڵ ناکەین