عەلی حەمەساڵح بۆ زایەڵە: حکومەتی هەرێم دەتوانێت پێش ڕەمەزان موچەیەک و پێش جەژنیش موچەیەکی تر بدات

(0) / / اقتصادی / زایەڵە موچە عەلی حەمە ساڵح

Mar 27, 2022

قەبارەی فۆنت:

عەلی حەمەساڵح ڕایگەیاند، حکومەتی هەرێم دەتوانێت پێش مانگی ڕەمەزان موچەیەک بدات و پێش جەژنیش موچەیەکی تر، "چونکە ئێستا 300 ملیار دینار پارەی زیاتر لە موچە هەیە". 

عەلی حەمەساڵح بۆ زایەڵە، وتی: بەڵگەی ڕوون لە بەردەستە کە دەتوانن پێش مانگی ڕەمەزان موچەیەک و پێش جەژنیش موچەی دووەم بدەن. 

دەشڵێت: موچە پێویستی بە 600 ملیۆن دۆلار هەیە کە دەتوانێت بە داهاتی نەوت و ناوخۆی دابینی بکات. 

عەلی حەمە ساڵح ڕوونیشیکردەوە کە: "مانگی پێشوو نرخی بەرمیلێک نەوت تێکڕا (97 دۆلار) بوو، داهاتی نەوت کە دراوە بە وەزارەتی دارایی (488 ملیۆن دۆلار) بووە، ئەم مانگە تێکڕای نرخی نەوت (117 دۆلارە) بەمەش بەلای کەم داهاتی نەوت دەگاتە (550 ملیۆن دۆلار) دەبێت". 

جەختی لەسەر ئەوەش کردەوە: "بۆ تەواوکردنی موچە 50 ملیۆن دۆلار پێویستە، هەولێر (28.5 ملیۆن دۆلار) و سلێمانی (21.5 ملیۆن دۆلار)، تەنیا داهاتی خاڵە سنوریەکان 100 ملیۆن دۆلارە.. جگە لە باج و ڕسومات."

باسی لەوەشکرد: "سەرباری هەموو گەندەڵی و قاچاخیەکان، ئێستا 300 ملیار دینار پارەی زیاتر لە موچە هەیە بۆ پڕۆژە و خەرجی دیکە."

 

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.