زایەڵە - کارەبایی بەردەوام بۆ پەروەردە و چەند ناوەندێکی خوێندن لە دەربەندیخان دابین دەکرێت.

مامۆستا هاوار حەمیدبەڕێوەبەری پەروەردەی دەربەندیخان بە زایەڵەی ڕاگەیاند،  پڕۆژەی راکێشان و دابینکردنی کارەبایی بەردەوام بۆ بینای دیوانی بەڕێوەبەرێتی پەروەردەی دەربەندیخان، بە بڕی نزیکەی 100 ملیۆن دینار، لە پاش راگیرانی بۆ ماوەی چەند ساڵێک، توانیمان بیخەینەوە گەڕ.

وتیشی،  دووبارە دەرخستەمان بۆ کردووە و بڕی پارەکە پێداچوونەوەی بۆ کراوە و کەمکرایەوە لەلایەن لیژنەیەکی پسپۆڕی بەڕێوەبەرێتی گشتی کارەبایی سلێمانیەوە. وە بەدواداچوونی بەردەواممان، ماندوبوونی ستافی هونەری بەڕێوەبەرێتیمان، بەردەوامبوون لەسەر کارکردن بۆ ئەوەی پڕۆژەکە بکەوێتەوە ئیشکردن، پاش ماوەیەک لێبڕوانە و بەردەوامبوون توانرا، پارەکە دابینبکرێت بۆ پڕۆژەکە.

جێگەی باسکردنە ئەم پڕۆژەیە لەسەرەتایی دروستبوونی قەیرانی دارایی لە هەرێمی کوردستان، وەستاو نەتوانرا جێبەجێبکرێت .بەڕێوەبەری پەروەردەی دەربەندیخان باسی گرنگی پڕۆژەکەی کردوو وتی ، بە تەواو بوونی پڕۆژەکە جگە لە بەڕیوەبەرێتی پەروەردە چەند بینای ناوەندی خوێندن کە ١٠ قوتابخانە و خوێندنگا لە خۆ دەگرێت، کارەبایی بەردەوامیان بۆ دابین دەکرێت.

ئامادەکردنی- کامەران  کەریم