عێراق بە هەماهەنگی هەرێمی کوردستان هێز لەسەر سنورەکان لەگەڵ تورکیا و ئێران جێگیر دەکات
(0) /
زایەڵە - ئەنجومەنى وەزارى ئاسایشى نیشتیمانى عێراق بڕیاریدا بەهەماهەنگى لەگەڵ هەرێمى کوردستان هێزەکانى لەسەر سنورەکان لەگەڵ ئێران و تورکیا بڵاوە پێبکات، بۆ پاراستنى سنورەکان.
یەحیا رەسوڵ وتەبێژى فەرماندەى گشتى هێزە چەکدارەکانى عێراق لە بەیاننامەیەکدا رایگەیاند، لەکۆبوونەوەیەکدا ئەنجومەن چوار بڕیارى دەرکردووە کە بریتین لە:
1-داڕشتنی پلانێک بۆ دووبارە بڵاوکردنەوەی هێزەکانی سنووری عێراق لەخاڵى سفر بەدرێژایی سنوورەکان لەگەڵ ئێران و تورکیا.
2- دەستەبەرکردنی هەموو پێداویستیەکانی پاڵپشتی لۆجستی بۆ فەرماندەیی هێزە سنوورییەکان و بەهێزکردنی توانا و پارەی پێویست مرۆیی و پاڵپشتیکردنیان بە کەلوپەل و شتی تر، بە مەبەستی ئەوەی بتوانن ئەرکەکانیان بە ئەنجام بگەیەنن.
3-مانۆڕکردن بەو توانا مرۆییانەی لەبەردەستی وەزارەتی ناوخۆدایە بۆ بەهێزکردنی بنکە سنوورییەکان.
4-هەماهەنگی لەگەڵ حکومەتی هەرێمی کوردستان و وەزارەتی پێشمەرگە بۆ بەجێگەیاندنی بڕگەی 1 و 2ی سەرەوە بە ئامانجی یەکخستنی هەوڵی نیشتمانی بۆ پاراستنی سنوورەکانی عێراق.
تێبينيێك بنێرە: