شەش وەزیری كابینەی حكومەتی عێراق دەگۆڕدرێن
(0) /
زایەڵە- محەمەد بەلداوی، وتەبێژی كوتلەی سادیقون، لە پەرلەمانی عێراق ئاشكرای دەكات: گۆڕانكاری وەزاری چاوەڕوانكراو لە كابینەی حكومەتی عێراق (6) وەزارەت دەگرێتەوە.
بەلداوی، لە بەیاننامەیەكدا رایگەیاندووە: لیژنەی هەڵسەنگاندن كاری هەڵسەنگاندنی بۆ وەزارەتەكان تەواوكردووەو، راپۆرتی كۆتایی پێشكەش بە محەمەد شیاع سودانی سەرۆك وەزیرانی عێراق كردووە، بڕیارە لە دانیشتنەكانی داهاتووی ئەنجومەنی وەزیراندا راپۆرتەكە بخوێندرێتەوە.
رونیشكردووەتەوە: هەموارە وەزارییەكە (6) وەزارەت دەگرێتەوەو بە كاندیدەكانی هەمان كوتلەی سیاسی دەگۆڕدرێن، بە گوێرەی رێككەوتنی سیاسی.
بەوتەی ئەو پەرلەمانتارە، ئەو هەموارە وەزارییە بووەتە پێویستی، بەهۆی ئەوەی هەندێك وەزارەت بە دەست كەمتەرخەمییەوە دەناڵێنێت لە جێبەجێكردنی پرۆگرامەكانی حكومەت، بەوپێودانگەی وەزیرەكەی ناتوانێت كاری وەزارەتەكەی بە باشی بەڕێوەبەرێت.
کامەران کەریم
تێبينيێك بنێرە: