فەرماندەیەکی سوپای پاسداران: ئاسایش لە سنوورەکانی ڕۆژئاوای ئێران بێ وێنەیە

فەرماندەی هێزە وشکانییەکانی سوپای پاسدارانی شۆڕشی ئیسلامی جەختی لە سەر بەرزبوونەوەی ئاستی توانای بەرگریی هێزە سەربازییەکانی ئێران بۆ بەرپەرچدانەوەی هەر چەشنە دەستدرێژییەکی کردەوە و جەختی لە سەر بێ هاوتابوونی ئاسایش لە سنوورەکانی ڕۆژئاوای وڵات کرد.

بەپێی ڕاپۆرتی زایەڵە بە گێڕانەوە لە " دیفاع پرێس" فەرماندەی هێزە وشکانییەکانی سوپای پاسداران لە ئیلام بە ئاماژە کردن بەوەی که بەهێزبوون هۆکاری ڕاگرتنی دوژمنانە، وتی: دوژمنانی ئێمە هیچ کات دەستیان لە پیلانگێڕی جۆراوجۆر لە دژی نیزامی ئیسلامی هەڵنەگرتووە.

سەردار سەرتیپ پاسدار محەمەد پاکپور وتیشی: دوژمنانی ئێمە هیچ کات دەستیان لە پیلانگێڕی جۆراوجۆر لە دژی نیزامی ئیسلامی هەڵنەگرتووە و ئەگەر تواناکانی ئەمڕۆی هێزە سەربازییەکان و سپا نەبووایە دەبووایە چاوەڕوانی چەندین پلانی سەربازی دیکە ببووینایە، بەڵام ئەم بوێرییەمان بۆ دوژمن نەهێشتووەتەوە.

فەرماندەی هێزی وشکانی سوپا جەختی لەوە کردەوە: بەهێزبوونی دوژمن هۆکاری ڕاگرتنی دوژمنانە و دەبێت زیاتر لە ڕابردوو بۆ ئەم مەبەستە هەنگاو هەڵگرین.

هەروەها بە ئاماژە کردن بە دۆخی سنوورەکانی پارێزگای ئیلام وتی: سپاس بۆ خوا ئێمە لە سنوورەکانی ڕۆژئاوای وڵات وەکوو ناوچەکانی دیکە و سنوورەکانی وڵات ئاسایشێکی باشمان هەیە و ئەمەش لە دونیای ئەمڕۆ کەم وێنەیە.