قایمقامی سەیدسادق بۆ زایەڵە: بۆ کارئاسانی شۆفیران شێوازی دابەشکردنی بەنزینی عیراقی گۆڕانکاری تێدا کرا
(0) /
قایمقامی سەیدسادق ڕایگەیاند بۆ کارئاسانی شۆفیران شێوازی دابەشکردنی بەنزینی عیراقی گۆڕانکاری تێدا کرا
دیاری ڕەفیق قایمقامی قەزای سەیدسادق بە زایەڵەی ڕاگەیاند، لە پێناو بەرژەوەندی گشتی هاووڵاتیان و شۆفیران و دادپەروەری لەدابەشکردنی بەنزینی جۆری نورماڵی عیراقی لە بەنزینخانەی یاوەر، بڕیارماندا کە لە رۆژی هەینیەوە، دابەشکردنی بەنزین بەشێوەی تابلۆی ئۆتۆمبیلی (تاک، جووت) بێت کە ئەمەش تاڕادەیەکی باش هەموو شۆفێرانی سنورەکەمان و هاووڵاتیان دەتوانن سود مەندبن لی.
وتیشی، بۆ ئەم مەبەستە و جێبەجێ کردنی بڕیارەکانمان هێزەئەمنەیەکان لە (پۆلیسی هاتووچۆ و بەشی پۆلیس و ئاسایش)مان ڕاسپاردوە کە هاوکاری تەواو بن لە بەرێوەچوونی ئەو جۆرە دابەشکردنە، داواکارین لە سەرجەم شۆفێران و هاووڵاتیان هاوکارمان بن لە پێناو خۆیان و هاووڵاتیان کە پابەندی ئەو جۆرە دابەشکردنەبن و گرفتمان بۆ دروست نەکەن و هەموولایەکمان هەوڵی تەواو بدەین بۆ جێبەجێکردنی.
کامەران کەریم
تێبينيێك بنێرە: