دادگای فیدڕاڵی لەبارەی مووچەی فەرمانبەرانی هەرێم ڕوونکردنەوە دەدات
(0) /
زایەڵە - سەرۆکى دادگاى فیدراڵى لەکۆبوونەوەیەکیدا لەگەڵ د. لەتیف رەشید، سەرۆککۆماری عێراق، رایگەیاند ،جەخت لە جێبەجێکردنى بڕیارەکانمان لەبارەى مووچەى فەرمانبەرانى هەرێمى کوردستان دەکەینەوە.
جاسم محەمەد عەبود، سەرۆکى دادگاى فیدراڵى ئەوەی خستووەتەڕوو، پێویستە ناردنى پارە بۆ مووچەخۆرانى هەرێمى کوردستان بەردەوامبێت تاوەکو پرۆسەى بەبانکیکردن جێبەجێدەکرێت.
سەرۆکى دادگاى فیدراڵى راشیگەیاندووە،بەگوێرەى رێکارەکانى وەزارەتى دارایی عێراق، رێوشوێنەکانى پرۆسەى بەبانکیکردن کاتى پێویستە.
سەرۆکى دادگاى فیدراڵى دەڵێت، لە پەیوەندیی بەردەوامدا دەبین لەگەڵ سەرۆککۆمار و وەزارەتى دارایی بۆ چارەسەرکردنى رێگرییەکانى بەردەم بڕیارەکە.
سەرۆککۆماری عێراق، عەبدولـلەتیف جەمال رەشید، هەڵوێستی خۆی لەسەر بڕیاری دادگای فیدراڵی سەبارەت بە مووچەی فەرمانبەرانی هەرێمی کوردستان روونکردەوە، هاوکات ئاماژەی بەوەدا کە رێکخستنەوەی جموجۆڵی بازرگانی لە سەرانسەری سنوورەکانی هەرێمی کوردستان، پارێزگاکان و داڕشتنی سیاسەتی دراو لە دەسەڵاتی فیدراڵیدایە.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: