جێگری پارێزگاری هەڵەبجە: سوپاسی ئەوکەسانە دەکەین هەوڵی تەواویان دا لەڕێکارەکانی بوون بە پارێزگا

جێگری پارێزگاری هەڵەبجە ئاشکرای کرد، سوپاسی هەموو ئەوکەسانە دەکەین کەهەوڵی تەواویان تا لەتەواو بونی ڕێکارەکانی بوون بەپارێزگا.

کاوە عەلی جێگری پارێزگاری هەڵەبجە بە زایەڵەی ڕاگەیاند: زۆر سوپاس بۆ هەموو ئەو بەرێزانەی هەوڵیان دا و  بەردەوامن لە تەواوکردنی رێکارەکانی بە پارێزگابوونی هەڵەبجە بەبێ جیاوازی و هیوادارین هەمیشه سەرکەوتوو بن.جێگای شانازی و سوپاس و پێزانینن.

وتیشی: ئەم هەنگاوە زۆر گرنگە بۆ پارێزگای هەڵەبجە، چونکە هەندێک لە وەزارەتەکانی عێراق و هەرێمیش! بیانوی دەنگدانی پەرلەمانی عێراقیان هەبوو کە تەنها بڕوبیانوو بوو، ئەوا ئەو بیانوەش نەما.

ڕونیشیکردەوە: ئەنجومەنی وەزیرانی عێراق لە 31/12/2013 بەریاری ژمارە 568 رەزامەندی بپێکهێنانی پارێزگای هەڵەبجەی داوە و ئاراستەی سەرجەم لایەنە پەیوەندیدارەکانی کردووە و داوای لە حکومەتی هەرێم کردووە کە نەخشە و سنووری ئیداری بنێرێت ، هەرێمیش لە 15/1/2014 ناردویەتی.جارێکی تریش سوپاس بۆ هەموو ئەو بەرێزانە کە لە 22/11/1999 خەریکن و ماندوو نەبوون.

کامەران کەریم