بەنداوی دەربەندیخان هاوڵاتیان ئاگاداردەکاتەوە

بەنداوی دەربەندیخان لەڕێگای چەند ڕێنماییەکەوە هاوڵاتیان و گەشتیاران ئاگادار دەکاتەوە .

بەگوێرەی ڕاپۆرتی زایەڵە ، بەنداوی دەربەندیخان لە ڕاگەیەنراوێکدا  ڕایگەیاند ، وەکو بەڕێوەبەرایەتی بەنداوی دەربندیخان پیرۆزبایی سەری ساڵی كوردی و  نەورۆز لە گەلەکەمان دەکەین ،
بەتایبەتی گەشتیارانی زمناکۆو شەمێران و  بەنداوەکەمان. داوا لە گەشتیارانی ئازیز دەکەین، ڕۆژانی گەشت ڕەچاوی ئەم خاڵانەی خوارەوە بكەن :
1.. هەمو بەنداوەکە لەژێر چاودێری كامێرای بەردەوامدایە.
2.بەمەبەستی دوركەوتنەوە لەڕوداوی هاتوچۆ ،تكایە خێرایی کەم کەنەوە.
3. وەستان لەسەر بەنداوەكە بەڕۆژ تەنها بۆ وێنەگرتنەو شەو ڕێگەپێدراو نیە.
 4.پارێزگاری لەژینگەو پاك و خاوێنی ناوچەكە بكەن.
 5.لەبەر وێنەگرتن مەڕۆنە شوێنەهەستیارەكانی بەنداوەكە، ئاگاداتان لە مناڵ بێت. 
6.مەلەكردن لەنزیك بەنداوەكە ڕێگەپێدراو نیه . 
7.لە دەوری بەنداوەکە وریای کەوتنە خوارەوەی بەرد بن.
بەهیوای نەورۆزێکی خۆش و تەندروست و سەلامەت بۆ هەمولایەك.

کامەران کەریم