جموجۆڵی بازرگانی بۆ 24 سەعات لە خاڵی سنوری باشماخ ڕادەگیرێت

بڕیادراوە جموجۆڵی بازرگانی بۆ 24 سەعات لە خاڵی سنوری باشماخ ڕابگیرێت.
بەپێی ڕاپۆرتی زایەڵە، لە ڕۆژانی جەژنی ڕەمەزان جموجۆڵی بازرگانی بۆ 24 سەعات لە خاڵی سنوری باشماخ ڕادەگیرێت.
ڕاكرتنی جمووجۆڵی بازرگانی تەنها یەكەم ڕۆژی جەژن دەبێت، ڕۆژانی دواتر ئاڵوگۆری بازرگانی ئاسایی دەبێتەوە.
سەبارەت بە هاتوچۆكردنی هاوڵاتیان و گەشتیاران لەگەڵ كۆماری ئیسلامی ئێران لە خاڵی سنوری باشماخەوە بەڕێوەبەری ڕاگەیاندن و پەیوەندیەكانی بەرێوەبەرایەتی دەروازەی نێودەوڵەتی باشماخ ڕایگەیاند: لەلایەن ئێرانەوە قەدەغەی گەشتكردنی هاوڵاتیان بۆ ئەو وڵاتە تا 21-5  درێژكراوەتەوە و تەنها ڕێگە بە ئەو كەسانە دەدرێت كە بە مەبەستی نەخۆشی و خوێندن یاخود كارتی مانەوەی ئەو وڵاتەیان هەیە.