گرووپی شاخەوانی چەرموو و ئەنجامدانی دوو گەشتی جیاواز بۆ سەر چوار لووتکە لە ماوەی چوار ڕۆژدا

زایەڵە ـــ گرووپی شاخەوانی چەرموو بە هاوکاری تۆڕی شاخەوانی کوردستان لە ماوەی کەمتر لە یک حەفتەدا دوو گەشتی جیاوازی ئەنجام داوە.

دەستەی ڕاگەیاندنی گرووپی شاخەوانی چەرموو: گەشتی تایبەتی و شەومانەوەی گرووپی شاخەوانی چەرموو بۆ دەڤەری باڵەکایەتی لەقەزایی چۆمان لەدووکاتی جیاوازدا ئەنجام درا، گەشتی یەکەم بۆ هەردوو لووتکەیی شاخی مەمور و هەڵگورد کەبەرزی لووتکەی مەمور ٣٣٦٦مەتر بەرزە لەئاستی ڕوویی دەریا ولووتکەیی هەڵگوردیش ٣٦٠٧مەتر بەرزە لەئاستی ڕوویی دەریا پاشان گەشتی دووەمان دوو ڕۆژ پاش گەشتی یەکەم دەستی پێکرد بۆ شاخی سەکران و هەردوو لووتکەیی پرخێڵەندی وگۆمی بێکۆدیان لەدەڤەری باڵەکایەتی لەقەزایی چۆمان کە لووتکەیی پرخێڵەندی ٣٤٦٨مەتربەرزە لەئاستی ڕوویی دەریاو گۆمی بێکۆدیان ٣١٥٠مەترە بەرزە لەئاستی ڕوویی دەریاوە

دەستەی ڕاگەیاندن زیاتر وتی:  سوپاس بۆ خوای مەزن کە هەردووگەشتەکەمان بەسەلامەتی ئەنجامدا بەڕێبەری شاخەوانی بەتوانایی قەزایی چەمچەماڵ وسەرۆکی گرووپی شاخەوانی چەرموو کاک شەماڵ جەلال بوو ئەوەی شایەنی باسە و لەم گەشتەدا هەردوو کەسایەتی دیار و خۆشەویستی قەزایی چەمچەماڵ هاوسەفەرمان بوون و بوونە مایەیی خۆشحاڵیمان ئەوانیش بەڕێزان کاک مەریوان کەریم ئاغای هەمەوەند و کاک هەڵەت کەریم ئاغایی هەمەوەندی برایی بوون کە دوو کەسایەتی خۆشەویست و دڵسۆز و خەمخۆری دیاری سنوورەکەن. لەم گەشتە هاوسەفەری ئێمە بوون زۆرخۆشحاڵ بووین بە بەشداری بەڕێزیان وهیوایی لەش ساغی وبەردەوامیان بۆ ئەخوازین هەمیشە لەلوتکەدا بن پاشان کۆتایمان بەگەشتەکەهێناو سوپاس بۆخوا بەسەلامەتی گەڕاینەوە.